Abstrakt
Arterial hipertenziya ürək-damar xəstəliklərinin inkişafında əsas risk faktorlarından biri olaraq qalır. Uzunmüddətli hemodinamik yük arterial hipertenziyası olan xəstələrdə həm sistolik, həm də diastolik funksiyanın pisləşməsinə səbəb olur. Sol atrium funksiyasının, o cümlədən hiperteniyanın bir sıra ürək-damar xəstəliklərinin patofiziologiyasında rolu getdikcə daha çox tanınır.
Əsas mətn
Məqsəd
Arterial hipertenziyası olan xəstələrdə fiziki yüklənmə 30% azalır. Fiziki yüklənmə, mənfi ürək-damar nəticələrinin proqnozlaşdırılmasında tanınmış bir marker olduğundan, sol atriumun genişlənməsi olan xəstələrin müəyyən edilməsi ürək-damar riskinin stratifikasiyasını yaxşılaşdıra bilər. İkiölçülü (2D) exokardioqrafiya və sol atriumun gərilməsinin izlənilməsi ilə sol atriumun deformasiya dərəcəsi və yığılma funksiyaları qiymətləndirilə bilər. Sol atriumun artıq yüklənməsi fiziki yüklənməyə olan dözümlülük də daxil olmaqla mənfi ürək-damar nəticələrinin biomarkeri kimi xidmət edə bilər. Araşdırmanın başqa məqsədi fiziki yüklənməyə olan dözümlülüyə təsir edə biləcək digər klinik və exokardioqrafik amilləri müəyyən etməkdir.
Metodlar
Araşdırma, arterial hipertenziyası olan xəstələrdə stress exokardioqrafiyası zamanı əldə olunan metabolik ekvivalent (MET) dəyərləri əsasında, sol atriumun deformasiyası ilə fiziki yüklənmə dözümlülüyü arasındakı əlaqəni təsdiqləmək məqsədilə bir mərkəzli retrospektiv tədqiqat şəklində aparılmışdır. Araşdırmanın əsas məqsədi sol atriumun gərilmə həddinin pis, orta və yaxşı fiziki yüklənmə dözümlülüyünü fərqləndirən sərhəd dəyərini müəyyən etmək idi. Məlumatlar EKG, exokardioqrafiya və stress exokardioqrafiya müayinələri vasitəsilə əldə edilmişdir.
Nəticələr
Araşdırmaya 105 arterial hipertenziyalı xəstə daxil edilmişdir. Sol atriumun deformasiyası fiziki yüklənmə dözümlülüyünün dərəcəsini fərqləndirə bilər, xüsusilə yaxşı və yüksək dözümlülük ilə orta və pis dözümlülük arasında. Bu fərq AUC = 0.638 (94% etibarlılıq intervalları 0,55–0,77, p=0,0001) ilə göstərilmişdir. Ən yaxşı hədd dəyəri 30,5 olaraq müəyyən edilmişdir ki, bu da 80% həssaslıq təmin edir (94% etibarlılıq intervalları 66,5–90%), lakin spesifiklik yalnız 52,18% təşkil edir (95% etibarlılıq intervalları 40,1–62,1). Spearman sıralama korrelyasiya analizi göstərdi ki, sol atrium ölçüləri E/A və E/e' ilə əhəmiyyətli şəkildə əlaqəlidir. 2D exokardioqrafiya parametrləri arasında yalnız EDV, E/A və E/e' MET ilə xətti əlaqə və ya korrelyasiya göstərmişdir.
Nəticə
Araşdırma göstərdi ki, sol atriumun deformasiya dərəcəsi (genişlənməsi) ilə stress-exokardioqrafiya zamanı əldə olunan MET göstəriciləri arasında orta dərəcədə əlaqə mövcuddur (rs = 0.3286, p = 0.0001).
Şəkillər
Açar sözlər
İstinadlar
Məqalə barədə təfərrüatlar:
Nəşr tarixçəsi
Dərc edilib: 28.Dec.2024
Müəllif hüququ
© 2013-2025. Azərbaycan Kardiologiya Cəmiyyətinin rəsmi nəşri. Jurnal "Uptodate in Medicine" tibb nəşriyyatı tərəfindən dərc olunur. Bütün hüquqlar qorunur.Əlaqəli məqalələr
Baxılıb: 146